Гадаад хэл сурахад насны хязгаар байхгүй боловч сургалтын байгууллагын хувьд академик мэдлэгийг эзэмшүүлэхэд насны ангилал шаардлагатай болдог. Бид Монгол дахь сургалтандаа 11-65 хүртэлх насны иргэдийг хамруулдаг. Харин гадаад улсад 17-65 насны иргэдийг хамруулан суралцуулдаг.

Манай сургууль 13 жилийн, багш нар маань 18 хүртэлх жилийн туршлагатай. Бид богино хугацаанд гадаад хэлний мэдлэг олгох бүх төрлийн арга хэлбэрийг туршиж, орчин үеийн Монгол залууст зааж сургах өөрсдийн арга барилаа олсон байгууллага. Манай хөтөлбөр, манай багш нарын заах арга зүй, мэдлэг олгох үйл явцад та цаг заваа бүрэн зориулж чадвал төлөвлөсөн хугацаандаа зорьсон түвшиндээ заавал хүрэх болно.

Англи хэлний IELTS 6.0-с дээш оноотой бол, Япон хэлний JLPT, J-test N2-түвшний оноотой бол, Солонгос хэлний ТОПИК-3 аас дээш оноотой бол тухайн улсын их дээд сургууль, коллежид мэргэжлийн бүх чиглэлээр, хэлний бэлтгэлгүйгээр шууд элсүүлэн суралуулна.

1. Монгол дахь сургалтанд нэг ч таслалтгүй, тухайн түвшний сургалтын унших, ярих, сонсох, бичих ур чадвар, үгийн сан, дүрмийн мэдлэг 95+ байгаа тохиолдолд дараагийн сургалтын төлбөрөөс 50% тэтгэлэг олгодог.
2. Гадаад улсад суралцахад тухайн хэлний дээд оноог авсан л бол тэтгэлэгт хамрагдаж болно гэсэн үг биш. Энэ нь зөвхөн тухайн хэл дээр хичээл үзэх шаардлагыг л хангаж байгаа хэрэг юм. Тэтгэлэг авахад хэлний онооноос гадна нийгмийн идэвхи оролцоо, өөрийгөө илэрхийлэх эсээ, тэтгэлэг авах нэн чухал шаардлага зэрэг олон шалгуурыг хангасан байх бөгөөд сургалтын явцад бид суралцагчдыг тэтгэлэгийн болон тэтгэлэгт хэрхэн хамрагдах талын мэдээллээр байнга хангаж ажилладаг.